低醣青檸芝士凍餅

突然間好想食cheesecake 梗係要自家製啦 ，仲要係低醣生酮版本，話明係低醣版本，餅底當然唔會用消化餅啦 ，餅底係用咗幼杏仁粉、榛子粉同杏仁磨碎造成餅底， 味道一啲都唔會比消化餅底輸蝕 ，而且有杏仁同榛子嘅香味 ，及顆粒口感， 反而我覺得仲好食添 ，餅餡用左羅漢果糖，羅漢果糖是天然代糖，不含卡路里，不會造成血糖大幅上升嘅現象。
一個分為五件每件約66克， 淨碳水只有2.3克， 但也有430卡路里，非常適合生酮飲食的朋友 ，但對於只是實行低醣飲食的朋友們就要注意啊!





4.5吋圓模

餅底材料

幼杏仁粉 ..........10g
榛子粉  .............20g
烤杏仁  .............20克
無鹽牛油溶液  .15g

芝士餡材料

忌廉芝士 ...........150g
羅漢果糖 ...........20g
新鮮檸檬汁 .......25g（約1個）
檸檬皮蓉  ..........1茶匙
淡忌廉   ..............80g
魚膠粉 .................3g
飲用水 .................8g

做法

1.烤杏仁放入乾磨機內打碎後將所有粉類拌勻後倒入牛油溶液拌勻。

2. 把餅底入模壓實冷藏約半小時。

 4. 魚膠粉加入水拌勻後用熱水座溶備用。

5. 忌廉芝士室溫放軟，加入羅漢果糖、檸檬汁及檸檬皮打至幼滑備用。

6. 淡忌廉座冰水打至6成發後倒入芝士糊中拌勻，加入魚膠粉溶液再一次拌勻。

8. 入模後掃平，震幾下讓面層更平滑，冷藏至凝固後便可脫模切件享用。

Tips
＊ 亦可以全部使用杏仁粉或烤雜堅果打碎， 打碎程度要比米還要小， 才能容易與牛油結合。

＊淡忌廉打至6成發便可（流質但程濃杰狀），如果打得過發口感會似mousses的。

＊ 脫模方法可以用風筒在模外吹或用熱毛巾外敷30至40秒便可以了。

＊ 不是生酮及低醣飲食的朋友可以使用砂糖，沙糖分量約為30克或自行調整。

＊由於餅底是不需要烘焗的，所以我會選擇部用已烤的杏仁打碎加入餅底， 這樣可以令餅底有一種烤焗的味道及使口感更加豐富。