2016年4月21日 星期四

芒果芝士蛋糕杯

試新模!!
蛋糕不能做得太鬆軟,脫模會很困難的而且蛋糕亦會好容易爛,第一次試做時脫模輕易個蛋糕太硬,經過改良後今次都算滿意,好鍾意呢個模嘅設計,可以做出千變萬化的款式

2016年4月15日 星期五

2016年4月12日 星期二

泰式鹽焗鰂魚

呀仔至愛嘅泰式鹽焗鰂魚,見到即刻雙眼發光,仲話好食過出面,魚肉鮮甜多汁,哈哈!已經買左全魚檔最大嗰條,都唔夠食

2016年4月9日 星期六

裸麥提子軟包


今次用左湯種+低發,未食都知軟熟,用麵包機都可以搓出靚靚的薄膜 47g x5

湯種材料

水  .................35g
高筋麵粉 ......7g 

麵團材料

湯種  ...........全份
高筋粉  ........113g
黑裸麥粉 ......10g
溫水  .............45g
全蛋液  .........15g
鹽  .................1/4茶匙
酵母  .............1.5g
無鹽牛油 ......12g
黑糖 ..............15g
黑麥芽精 ......3/4茶匙
提子乾 ..........30g

湯種做法


1. 把高粉倒進水裏拌勻至沒有粉粒

2. 倒進小煲裏,用中慢火煮,一邊煮,一邊拌勻,慢慢會見到麵粉水越來越濃稠
3. 直至煮成一麵糊,在搞拌時會出現一條條紋路的便可

4. 把煮好的湯種倒進一碗中 ,然後用保鮮紙蓋著,保鮮紙要緊貼著麵糊表面,麵糊冷卻後就不會在表面形成一硬皮,湯種保持濕潤。

*得出約33-36g的湯種


麵團做法


1.黑糖加入溫水中拌融後放涼



1. 包桶內先倒入濕材料,再倒入麵粉,糖,鹽,挖一個小洞倒入酵母



2. 啟動COOKIE/PASTA DOUGH程序,當搓至成團後(約4-5分鐘)加入牛油繼續搓至完成整個程序(全程13分鐘),完成後再按一次COOKIE/PASTA DOUGH多搓5分鐘至薄膜出現



3. 手上沾少許高粉取出麵團,搓圓放入密實內,麵團上噴少許內,蓋實放入雪櫃低發8-12小時




4. 取出麵團手指沾少許高粉插入,如沒有回彈即表示已發酵完成,然後蓋回溫(至少30分鐘)





5. 提子乾用水浸30分鐘,瀝乾並抹乾水份




3. 分割成5份滾圓,濕布蓋面,鬆弛15分鐘




4. 把麵團擀成橢圓形,鋪上提子乾,捲起壓緊並收口,形成一條長麵條
5. 將麵條搓長,再打一個單結,捏緊收口向下



6.進行二發至兩倍大,塗上全蛋液



 6. 放入已預熱170度的焗爐焗13-15分鐘,放架待涼


*以上搓揉程序以象印麵包機BB-HAQ10為準

*全程用手搓揉甩打麵團直至有薄膜亦可

*麵包出爐後趁仍有餘溫放入密實盒可以令麵包保持柔軟

2016年4月7日 星期四

芒果布甸


女兒至愛的甜品之一,用啫喱粉做方便又好味,放學回來急不及待要吃,見到她食得滿足,媽咪更滿足

2016年4月4日 星期一