2018年7月9日 星期一
慢煮鮮鮑魚
用鮮鮑魚扮溏心乾鮑❌老雞❌乾搖柱❌金華火腿,只用一般家常的調味,以60度慢煮兩小時再浸一晚,味道當然不能與乾鮑相比,但價錢、功夫、時間都差幾倍,老公食完只講左一句:『下次可以再煮』
材料
南非鮮鮑魚.........6隻(約一斤)
汆水料
蔥 ................2-3棵
姜片 ............3-4片
米酒 ............1湯匙
醬汁
姜片 .........2-3片
雞湯 .........100ml
清水 ..........100ml
冰糖 ..........5g
米酒 ..........1湯匙
生抽 ..........1/2湯匙
鮑魚汁 ......1湯匙
粟粉水 .......適量(後加)
做法
1.先將醬汁材料(粟粉水除外)煮滾,然後放涼備用。
2.將汆水料連同水煮滾後放入鮑魚汆水1分鐘,然後取出沖洗並降溫。
3.用小刀把鮑魚肉起出後清除內臟及鮑魚咀,然後刷洗乾淨。
4.將鮑魚放入真空袋內並倒入醬汁後抽真空,然後放入60度的熱水內慢煮2小時。
5.將慢煮後的鮑魚盛起,醬汁倒入煲內煮滾然後放回鮑魚以小火煮2-3分鐘,靜止至整煲鮑魚涼後冷藏一晚。
6.從雪櫃取出原煲鮑魚放至室溫,將鮑魚盛起,醬汁煲滾後放回鮑魚以小火煮3分鐘後盛起。
7.將適量粟粉水倒入醬汁內埋茨,再把鮑魚倒回醬汁中拌勻並稍為煮約1分鐘便可上碟。
*鮑魚汆水後便可以輕易起肉。
*每次必須先煮滾醬汁後才放入鮑魚以小火煮熱,這樣便不會因煮過久而使鮑魚收縮及變韌。
訂閱:
張貼留言 (Atom)
沒有留言:
張貼留言